Haustrigningar....

Hér rignir og rignir.. eins og það sé hellt úr stórri fötu. Davíð Pálmi er í aðlögun í leikskólanum og það gengur ekkert sérstaklega vel að okkar mati. Hann GRÆTUR og miður sín yfir þessum foreldrum sem hingað til hafa verndað hann og elskað og svo bara hentu honum út ...... æi ég held að ég venjist þessu leikskóladæmi seint. Ég hefði átt að vera uppi 1800 og eitthvað...

... kominn nýr dagur... 14.08.

Daníel fór í hellings ferðalag í gær, alla leið til Asker, þar sem Sigrún og Viggi Palli áttu heima. Hann fór að heimsækja Johannes og Simon. Hann fór með T-bananum til Nasjonalteateret, með lest þaðan til Asker og svo með strætó þaðan til Dikemark.... þetta tók 1 t og 20 mín, og kostaði hellings pening, sem hann var ekki að fíla... En mér finnst hann rosalega duglegur!!

Fjölli er að fara að snekkra sandkassa fyrir leikskólann, gott að halda sér í formi... þegar ég kynntist honum hér í Norge var hann nú bara Snekker'n Albertsson og ég kolféll... þannig að ég er spent að vita hvernig sambandið tekur kipp þegar hann verður kominn í gallann

Í dag er meiningin að fara til Janicke í kaffibolla og svo að sækja pjakkinn til Dikemark.... það verður gaman að sjá gamla húsið þeirra Sigrúnar og Vigga Palla... Svo sækjum við litla kút og svo heim að borða.... strákarnir leggja sig um sjö leitið... við þurfum að vakna kl 06:30 til að ná að borða og skutla í leikskólann / skólann og ná okkar skóla sem byrjar kl 08:30... þetta verur gaman!

Jæja krúttíbollur... ég er farin í bili.. hafið það gott í dag..

 

...orð dagsins í Dýrmætara enn Gull er "Gjörið því iðrun og snúið yður að syndir yðar verðið afmáðar. Þá munu koma endurlífgunartímar frá augliti Drottins." Post. 3,19-20a

 

Athugasemdir

[Anna Björg (IP-tala skráð) 14.8.2008 kl. 10:01]

Halló krúttið mitt

ég hafði ekki hugmynd um að þú værir farin að blogga fyrr en þú kvittaðir hjá mér í gær en guuuuð hvað það er gott að geta lesið um ykkur þarna í útlandinu sem á stundum er bara heimlandið:)

Er að byrja að vinna á morgun, Júlía byrjar í leikskólanum á mánudag og Áróra og Jakob mánudaginn þar á eftir. Þannig að þetta er allt að koma og svo byrja ég í skólanum 3. september. Hér er fínasta veður og lífið bara nokkuð gott þrátt fyrir kreppu og enga sölu (ætlum núna bara að leigja Svöluna) og að þeir hafi lagt niður Barcelonaferðina okkar:(.

Jæja músin mín, er á leiðinni niðrí Menntamálaráðuneyti að sækja um leyfisbréf til að geta starfað sem kennari. Mætti halda að þetta væri þvílíkt ríkidæmi sem maður fær í laun miðað við hvað það er erfitt að fá þetta bréf.

Hafið það sem allra best

lúvlúv til allra frá stóru sys 

[Álfheiður (IP-tala skráð) 14.8.2008 kl. 18:16]

Hæ skvís!

Danni boy duglegur ... skilaðu góðri kveðju til hans frá mér.